/img/1920х100.png
/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 403,42 Brent 36,55
Жеңілдетілген автонесие бағдарламасына 10 млрд теңге бөлінеді

Жеңілдетілген автонесие бағдарламасына 10 млрд теңге бөлінеді

Көлік алуға бағытталған қарыз 4 пайыздық мөлшерлемемен 7 жылға берілмек.

13:24 19 Ақпан 2019 15121

Жеңілдетілген автонесие бағдарламасына 10 млрд теңге бөлінеді

Автор:

Фархат Әміренов

Осыдан төрт жыл бұрын Қазақстанда 4 пайыздық мөлшерлемемен автонесие беру бағдарламасы қолға алынған болатын. Бағдарламаның операторы – Қазақстанның даму банкі. 2015-2018 жылдар аралығында жеңілдетілген автонесие бағдарламасына бюджеттен 40 млрд теңге бөлінді. Оның 34 млрд теңгесі автонесиелеуге, ал 6 млрд теңгесі лизингке бағытталды. Бөлінген қаржының нәтижесінде 13 245 отандық автокөлік 56,4 млрд теңгеге кредитпен сатылып, 747 коммерциялық теxника 9,5 млрд теңгеге лизингке берілді. 

Ал үкіметтің бүгінгі отырысында министрлер кабинеті 4 пайыздық автонесие бағдарламасына қосымша қаржы бөлу туралы қаулыны қабылдады.

«Биыл бағдарлама аясында қосымша 10 млрд теңге бөлінеді. Оның 8 млрд теңгесі жеңіл көліктерді несиелеуге бағытталса, 2 млрд теңгесі коммерциялық теxниканы лизингтік қаржыландыруға жұмсалады. Алғашқы кезеңде 2 мыңнан астам автомобиль сатылады деген жоспар бар. Келесі жылдары револьверлік қаражат есебінен жылына орташа есеппен 400-500 отандық автомобиль сатылатын болады», – деді Жеңіс Қасымбек.

Белгілі болғандай, жеңілдетілген автонесие бағдарламасына бөлінген қаржы 4 пайыздық мөлшерлемемен 7 жылға беріледі. Бұл ретте, көліктің бағасы 15 млн теңгеден аспауы керек.

Бюджеттік кредит 18 жыл ішінде автокөлік құрастыру саласының дамуына серпін береді деген болжам бар. Атап айтқанда, 33,7 млрд теңге көлемінде өнім шығаруға жол ашылмақ. Сондай-ақ аталған қолдаудың нәтижесінде 8 128 автокөлік құрастыру мүмкін болмақ. Бұдан бөлек, көліктен түсетін салықтық түсімдер мен басқа да міндетті төлемдер 9,3 млрд теңгеге артады деп күтілуде.

Фархат Әміренов

Жеңілдетілген автонесиемен 2 116 көлік сатылды

Автоәуесқойлар көлік сатып алуға 341 млрд теңге жұмсады.

20 Тамыз 2019 11:20 12675

Жеңілдетілген автонесиемен 2 116 көлік сатылды

Отандық автоөндірушілер соңғы 7 айда 24 687 автөкөлік құрастырды. Бұған 171,3 млрд теңге жұмсалды.

«ҚазАвтоӨнеркәсіп» Қазақстан автомобиль саласы кәсіпорындары одағының дерегінше, көлік өндірісінің көлемі өткен жылдың сәйкес кезеңімен салыстырғанда 42,6%-ға артық болды.

«Жеңіл автокөлік өндірісі 38,1%-ға ұлғайып, 22 280 бірлікті құрады. Автобус құрастыру көрсеткіші 4 есе өсіп, қолданысқа 754 автобус берілді. Есептік кезеңде 1 196 бірлік жүк көлігі мен 422 тіркеме құрастырылды. Ал арнайы техника өндірісі 83 бірліктен 35 бірлікке азайды», – деп хабарлады одақтың баспасөз қызметі.

Белгілі болғандай, биыл «ҚазАвтоӨнеркәсіпке» қарасты кәсіпорындардың автонарықтағы үлесі 56,7%-ға жеткен. Былтыр бұл көрсеткіш 47,6%-ды құраған. Ал ел азаматтары Қазақстанда құрастырылған «темір тұлпарды» тақымдау үшін 341 млрд теңге жұмсаған.

«АЗИЯ АВТО» АҚ сату үлесінің 54%-ын иеленіп, 11 965 көлік өткізді. «СарыарқаАвтоӨндіріс» ЖШС сату көрсеткішін 41,4%-ға жеткізіп, 9 179 көлік сатты. «СемАЗ» ЖШС - 404, «КАМАЗ-Инжиниринг» - 361, «Daewoo Bus Kazakhstan» ЖШС -145, «Hyundai Trans Auto» ЖШС - 103 көлік өткізді», – деді «ҚазАвтоӨнеркәсіп» Қазақтан автокөлік саласы кәсіпорындары одағы стратегиялық жоспарлау бөлімінің директоры Артур Мискарян.

Оның сөзінше, соңғы 7 айда жеңілдетілген несиемен 2 116 автокөлік сатылды.

«Автоөндірушілер еліміздің жалпы ішкі өнімін 171,3 млрд теңгемен толықтырды. Бұл өткен жылмен салыстырғанда +50,6% көп көрсеткіш. Шілде айында қазақстандықтар 58,5 млрд теңгеге 6 465 автокөлік сатып алды. Бұл соңғы 3 жылдағы ең жақсы нәтиже», – деді бөлім басшысы.

Абылай Бейбарыс

60 мың автокөлік құрастырылады

Отандық автоөндірушілердің нарықтағы үлесі 55,8%-ға жетті.

23 Шілде 2019 16:17 13725

60 мың автокөлік құрастырылады

Биылғы жылдың алғашқы алты айында 31 мың жеңіл автокөлік сатылды. Оның 17 мыңы отандық автоөндірушілердің еншісіне тиді. Көп көлік сатқандардың көшін «БИПЭК АВТО» мен Astana Motors компаниялары бастады.

Өткен айда ел азаматтары 6 мыңнан астам жеңіл және коммерциялық көлік сатып алды. Бұл мамыр айымен салыстырғанда 2,7% және 2018 жылдың сәйкес кезеңімен салыстырғанда 12,5% көп көрсеткіш.

Бірінші жартыжылдықтағы сауда көрсеткіші өткен жылға қарағанда 18,3% артық болды. Атап көрсетерлігі отандық автоөндірушілердің нарықтағы үлесі 47,1%-дан 55,8%-ға ұлғайды. Сәйкесінше импорттың көлемі 52,9%-дан 44,2%-ға қысқарды.

Қазақстанда құрастырылған су жаңа жеңіл автокөліктердің саудасы бір жылда 40,1%-ға көбейіп, жартыжылда 17 мың бірлікке жетті. Есептік кезеңде 13,6 мың шетелдік көлік сатылды. Бұл бір жыл бұрынғыдан 1,1% аз көрсеткіш.

Қазақстан автобизнес қауымдастығының дерегінше, «БИПЭК АВТО» дилерлік тобы 10,3 мың, Astana Motors компаниясы 7,7 мың автокөлік сатты.

Үздік үштікті «Вираж» компаниясы тұйықтады. Мұндағылар 1,9 мың «темір тұлпар» өткізді.

Үкімет басшысы Асқар Маминнің мәлімдеуінше, биыл отандық автоөндірушілер 60 мың автокөлік құрастырады. Келесі жылы бұл көрсеткіш 100 мыңға жетеді. Осылайша отандық автоөндіріс саласына серпін беріледі.

«Отандық автокөліктердің сатылымын ұлғайту мақсатында таяу болашақта жеңілдетілген автонесие бағдарламасын 5 есе ұлғайтып, жылына 15 мың автокөлік өткізетін боламыз», – деді Асқар Мамин.

Біле жүріңіздер, жеңілдетілген автонесие бағдарламасы 2015 жылы іске қосылды. Содан бері бағдарлама үздіксіз жалғасып келеді.

Биыл бағдарлама аясында қосымша 10 млрд теңге бөлінді. Бұл соманың 8 млрд теңгесін жеңіл көліктерді несиелеуге, 2 млрд теңгесі коммерциялық теxниканы лизингтік қаржыландыруға жұмсалады.

Абылай Бейбарыс