Отандасымыз іріктеу кезеңінің жартылай финалында әлемнің 295-ракеткасы, швециялық Лиза Заармен кездесті.
Қарсыласы фаворит саналғанына қарамастан, Жібек Құламбаева 2 партияда жеңіске жетті – 7:6 (7:4), 6:3.
2 сағат 4 минутқа созылған тартысты кездесуде Жібек Құламбаева эйс жасамағанымен, 6 брейк-пойнттың 5-еуін өз пайдасына шешті. Ал Лиза Заар 10 брейк-пойнттың 4-еуін ғана жүзеге асыра алды.
Жібек Құламбаева іріктеу кезеңінің финалында әлемнің 143-ракеткасы, испаниялық Лейре Ромеро-Гормазбен шеберлік байқасады. Оны жеңсе, негізгі жарысқа жолдама алады.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
