Пәтер жалдау мен сату өсіп жатыр: мүлік операциялары 35%-ға артты

342

Бұл туралы Ұлттық статистика бюросы хабарлады, деп жазады inbusiness.kz сайты. 

Пәтер жалдау мен сату өсіп жатыр: мүлік операциялары 35%-ға артты Фото: Sky View

2025 жылғы қаңтар–маусым айларында жылжымайтын мүлік операциялары саласындағы көрсетілген қызметтердің көлемі 1,4 трлн теңгені құрап, өткен жылдың сәйкес кезеңімен салыстырғанда 35,2% артты.

Қызмет құрылымында ең үлкен үлес тұрғын үйді жалға беру (субаренда) және басқару қызметтеріне тиесілі – 681,5 млрд теңге. Айтарлықтай көлем бизнес-орталықтарды, кеңсе ғимараттарын және әкімшілік нысандарды жалға беру мен басқару қызметтерінде де тіркелді – 180,9 млрд теңге. Сауда саласындағы көпфункциялы кешендер мен коммерциялық жылжымайтын мүлікті жалға беру және басқару 136,7 млрд теңгені құрады. Басқа санаттарға кірмейтін жылжымайтын мүлікті жалға беру және басқару көлемі – 106,2 млрд теңге.

Көппәтерлі және жеке тұрғын үйлерді сатып алу-сату операциялары 75 млрд теңгеге жетті. Басқа жылжымайтын мүлікті сатып алу-сату көлемі 4 млрд теңге болды. Ең төмен көрсеткіш көрме және конференция залдарын жалға беру мен басқару сегментінде тіркелді – 554,8 млн теңге.

Өңірлік тұрғыда көрсетілген қызмет көлемі бойынша Алматы қаласы көш бастап тұр – 608,8 млрд теңге. Одан кейінгі орындарда Астана – 257,1 млрд теңге және Шығыс Қазақстан облысы – 97,4 млрд теңге.

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу
Telegram арнамызға жазылыңыз! Жаңалықтар туралы бірінші біліңіз
Жазылу