Қараша айының қорытындысы бойынша Қазақстанның жалпы халықаралық резервтері 3,7%-ға немесе 3,1 млрд теңгеге өсіп, 87,8 млрд теңге болған. Бұл туралы Ұлттық банктің алдын ала мәліметтерінде жазылған. Қараша айында елдегі резервтердің өсу динамикасы соңғы алты жылда рекордтық нәтиже көрсетті.
Ұлттық банктің алтын-валюталық резервтері 3,8%-ға немесе 1,11 млрд теңгеге, 30,2 млрд долларға дейін артқан. Активтер құрылымында валюталық активтер айтарлықтай өсім көрсетіп, 5,8%-ға немесе 916 млн теңгеге, 16,6 млрд долларға дейін артқан. Ал алтын валюталық резервтер 1,5%-ға артып, 13,55 млрд долларға дейін жеткен.
Ұлттық қордың активтері абсолютті мәнде 2 млрд долларға (+3,61%) едәуір өсіп, 57,6 млрд долларға дейін жеткен. Бюджетке трансферт түрінде қаражат алынған жоқ. Өйткені бюджеттік болжамға сәйкес толық көлемде орындалып қойған. Бұл ретте Ұлттық қорға жыл басынан бері түскен түсім 1,7 есе, яғни 2,74 трлн теңгеден 4,75 трлн теңгеге дейін өскен.
Биылғы жылдың III тоқсанында 1,43 трлн теңгеге, 1,84 трлн теңгеге дейін жеткен өсім негізінен "қорды басқарудан түскен инвестициялық кірістер" бабы бойынша жүрген. Бұған биылғы жылдың II тоқсанында 7,2%-ға және III тоқсанында 6,6%-ға құнсызданған теңге себеп болуы мүмкін. Оны реттеушінің статистикасы да көрсетіп отыр және бұл туралы бұған дейін abctv.kz-те жазған болатын. Теңгенің әлсіреуі биылғы жылдың алғашқы жартыжылдығының қорытындысы бойынша Ұлттық қор үлкен шығынға батқаннан кейін орын алған болатын, бұл туралы сол кезде қаржы министрлігі хабарлаған еді.
Егер мұнай-газ секторынан түсетін салық түсімдерін алатын болсақ, онда олар 570 млрд теңгеден астам болған. Мұның басым бөлігі Қазақстанның ӨБК-дегі үлесі (192 млрд теңге), КТС (148,8 млрд теңге),экспортқа рента салығы (138,6 млрд теңге) және ПҚӨС (91,2 млрд теңге) есебінен болған. Сондай-ақ үстеме пайдаға салынатын салықтың бір бөлігі 62 млн теңге қайтарылғанын айтып кету керек.
Сұлтан Биманов
