Қазақстан сән әлемінің арғы беті
Kazakhstan Fashion Week шарасының ұйымдастырушылары таныстырылымға дайындалып жатқанда қонақтар шоу-румда қыдырып, брендтік киімдерді тамашалады. Fashion-индустрияның өкілдері мен сәнсүйер қауым бірінен бірі асып түсуге тырысты. Аbctv.kz редакциясы Майя Бекбаеваны жазбай таныды. Ол классикалық киім үлгісін таңдапты. Сондықтан жұрттың көзіне қатты түсе қойған жоқ. Ал тележүргізушінің қызы қазіргі трендтағы жасыл торкөз юбкамен ерекшеленді. Әділ Лиян алғашқы күні өзінің образына көп бас қатырмағанға ұқсайды. Ол «минимализм» стилін таңдапты.
Қазақстандық дизайнер, RomaNova брендінің негізін қалаушы Анастасия Романова үш күнде үш киім ауыстырды. Ал Fashion Park отандық бренд дүкендерінің өкілі Жанар Сүлейменова жиналған жұртты өзінің бас киімімен таң қалдырды.
