Қазақстандағы барлық мектепте соңғы қоңырау соғылып, түлектер үлкен өмірге қадам басты.

2022 жылы елде 170 мыңнан аса оқушы мектеп бітірді. Олардың 8139-ы "Алтын белгіге" үміткер, деп хабарлайды inbusiness.kz.

Биыл Алматыдағы мектептерде алғаш рет соңғы қоңырау соғылды. 2020-2021 жылдары коронавирус пандемиясына байланысты білім беру ордаларында мұндай салтанатты жиын өтпеген.

Алматыда 295 мектепте соңғы қоңырау соғылды. Қаладағы12 355 түлектің 613-і "Алтын белгіге", ал 973 оқушы үздік аттестатқа үміткер.

1,5 жылға уақыт онлайн форматқа оқуға мәжбүр болды. 2020 жылғы наурызда қашықтықтан оқыту форматын енгізу мұғалімдер, ата-аналар және, оқушылар үшін де нағыз сынақ болғаны анық. Бұл кезде оқу бағдарламаларының сапасы мен әртүрлі оқу платформаларының мүмкіндіктері де қызу талқыға түсті.

Көптеген аға буынның пікірінше, өткен оқу жылында мектеп формасына қойылатын талаптарды жеңілдету жоғары және мектеп бітіретін сынып оқушыларының ашық-шашық киінуіне ықпал еткен.

Алматыдағы білім беру ордаларының бірінде өткен салтанатты жиында классикалық мектеп формасын тек бір оқушы қыз кигенін байқадық.

Әрине, қазіргі түлектер мен 1990 жылы 11-сыныпты бітірген оқушыларды салыстырсақ, арасында айырмашылық бар.Тіпті, елдегі тауар жетіспеушілігіне қарамастан оқушы қыздар алжапқышы бар мектеп формасын киюге міндетті болатын.

Жаһандану мен интернет дәуірінде өскен балалар басқаша екені белгілі. Бірақ тарихтың өз заңдылығы бар.

Бұл ескі сурет осыдан 42 жыл бұрын, яғни 1980 жылы Алматының шетіндегі мектептердің бірінде түсірілген. Фотода бақытты түлектер өзінің сүйікті сынып жетекшісімен бірге тұр. Суреттегі қыздардың көйлегінің ұзындығы биыл оқу бітірген алматылық түлектердің көйлегімен салыстырғанда қысқа.

Биыл да Білім және ғылым министрлігі түлектер үшін мерекелік іс-шаралар тек мектептерде ұйымдастырылуы керегін еске салды: іс-шараға аниматорларды, әртістерді шақыруға, мерекелік іс-шараны ұйымдастыратын агенттіктерді жалдауға болмайды.

Сондай-ақ мерекелік дастарқан жаюға, көлік жалдауға, мектеп әкімшілігі мен мұғалімдерге сыйлық сыйлау үшін ақша жинауға, қала немесе аудан бойынша экскурсия ұйымдастыруға, ойын-сауық мекемелерінде түлектер үшін мерекелік іс-шаралар өткізуге тыйым салынған.