Қазақстан Республикасының Президенті Қасым-Жомарт Тоқаев Алматыда елдің Тұңғыш Президенті Нұрсұлтан Назарбаевтың  саяси жолына арналған халықаралық конференцияны ашты.

Конференцияның ашылу салтанатында сөз алған Қазақстан Президенті заманауи Қазақстанның қалыптасуындағы Елбасының рөлін атап көрсетті. 

«Өткен 30 жыл ескірген сананың енжарлығымен күрес, кертартпалықты еңсеру, еліміздің игілігі үшін көптеген жеңістер мен жетістіктер үшін күрес жылдары болды», – деді ол. – Шетелдік сарапшылардың пікірінше, Нұрсұлтан Назарбаевтың басшылығымен посткеңестік кеңістікте ең жемісті жоба іске асқан. Посткеңестік экономиканың қираған бөлігіндегі инфляциямен, жұмыс істемейтін кәсіпорындармен, тауарлардың жалпы тапшылығы бар елде  Еуразияның қарқынды экономикаларының санына кірген күшті мемлекет құрылды».

Конференцияда сөз алған Елбасы тәуелсіздік алған кезден бастап отыз жыл ішінде елдің жүріп өткен жолы жайлы айтты. Тұңғыш Президент КСРО ыдырағаннан кейінгі біздің мемлекеттің басынан кешкен негізгі проблемаларына тоқталды. Бұл – экономикадағы қиындық, ұлтаралық шиеленістің туу қаупі, экологиядағы технологиялық артта қалушылық пен экологиядағы қиындықтар. Тап осындай жағдайда елді дағдарыстан алып шығатын тиімді әрі ауыр шешімдерді қабылдау керек болған. 

«Нарықтық жағдайларға көшу керек болды және мұны жылдам жасау қажет болды. Нарықтық экономиканы құру үшін экономистермен айлап жұмыс істеуге тура келеді. Тап осы реформалар Қазақстан экономикасын көтерген инвестицияны әкеліп, елімізді  шетте қалған елдер қатарынан табысты экономикалық мемлекетке айналдырды» 

1989 жылы 22 маусымда Нұрсұлтан Назарбаев Қазақ ССР Компартиясы Орталық комитетінің бірінші хатшысы болып сайланды. 1990 жылдың сәуірінде ҚазССР-дың Жоғарғы кеңесімен Қазақ ССР-ның Президенті болып сайланып, Қазақстанды 2019 жылдың 20 наурызына дейін басқарды.

Максим Морозов