Үкіметтің халықты арзан ипотекамен қамтуға деген аңғал ниеті елдегі қаржы секторының ащы шындығымен сай келмей тұр. Парламент палаталарының бірлескен отырысында президент екінші деңгейлі банктердің ипотекалық несиелерінің үстеме пайызын 7%-ға дейін арзандатуды ұсынды. Жылдық 17-25 пайыз аралығындағы ипотекаға еті үйренген халық «бұл не қылған батпан құйрық» деп отыр. Жалпы, банктердің мұндай ипотекасын алу мүмкіндіктеріне тоқталмас бұрын, алдымен банктер 7%-дық ипотеканы «көтере» алар-алмасы жайлы айта кету керек.
Бағдарлама қонақтары: экономист, «Pro gente» экономикалық зерттеу орталығының жетекшісі - Мақсат Халық, экономист - Сапарбай Жұбаев.
Жүргізуші: Ерболат Мұхамеджан.
