Заңсыз қоқыс орындарынан қазынаға 150 млн теңге шығын келген. Елорданың өзінде өткен жылы тіркелмеген 50 орын анықталған. Бұл туралы «Атамекен» Ұлттық кәсіпкерлер палатасының өкілдері мәлімдеді. Деректерге сүйенсек, елдегі тұрмыстық-өндірістік қалдықтар көлемі 43 млрд тоннаға жеткен, алайда оның тек 9 пайызы қайта өңделеді. Бұған өңдеу зауыттарының тұралап қалуы себеп. Өндіріс көлемін 40 пайызға жеткізу үшін мамандар саладағы шағын кәсіпкерлердің үлесін арттыруды ұсынды. Сондай-ақ, жаңа технологияларды енгізу мәселесі де қарастырылуда. Айта кетейік, аталған нарықты қайта жаңғырту үшін Еуропа қайта құру және даму банкі 100 млн еуро қаржы бөлмек.
Бағдарлама қонақтары: "Жасыл экономиканы" қолдау мен G-Global-ды дамыту Коалициясының басқарма төрайымы - Салтанат Рақымбекова және EXPO & Women халықаралық ұйымының сарапшысы - Меруерт Абдалиева.
Жүргізуші: Ерболат Мұхамеджан.