Бүгіннен бастап 42 500 теңгеге өтініш қабылдау тоқтатылды. Бас-аяғы 4 млн 539 мың адамға 139 млрд теңге әлеуметтік төлем тағайындалды. Еңбек министрінің сөзінше, 16-ші сәуірге дейін өтініш жіберген азамат екінші айда да 42 500 Теңгені алуға құқылы. Сондай-ақ, 11-ші мамырға дейін түскен өтініштердің барлығы қаралып, ережеге сай әлеуметтік төлем тағайындалатын болады. Жалпы осы көмекті алу үшін 3 млн 300 мыңға жуық азамат бірыңғай жиынтық төлемін енгізген.
