42500 теңгені екінші рет 16-ші сәуірге дейін өтініш бергендер ғана ала алады. Ол үшін қайтадан өтінім жіберудің қажеті жоқ. Еңбек министрлігінің таратқан мәліметі бойынша, әлеуметтік төлемнің бірінші айы 16-шы наурыз бен 15-ші сәуір аралығын қамтиды. Екінші ай төтенше жағдайдың созылуына байланысты сәуірден 11-ші мамырға дейін деп көрсетілген. Алайда ведомствоның мұндай тәртібіне халық наразы. Себебі, бастапқы кезде техникалық ақау салдарынан азаматтардың көбі өтініштерін жібере алмаған. Сондықтан уақыттарын жоғалтып, бірінші айдағы төлемнен қағылып отыр.
