Қаржы министрлігі сыбайлас жемқорлық схемасын жасап, «Қордай» мен «Сырым» кеден бекетін май шелпекке айналдырып отыр. Мұнда әрбір жүк көлігінен 2 мыңнан 10 мың долларға дейін заңсыз ақша талап етіледі. Әлеуметтік желіде Президент әкімшілігі жетекшісі мен Сыбайлас жемқорлыққа қарсы іс-қимыл агенттігі төрағасының атына жолданған құпия хаттың көшірмесі тарап кетті. Арыз Жамбылдағы 48 кәсіпорынның атынан жазылды деп көрсетілген. Әрі кедендегі былыққа жаңа министр Ерұлан Жамаубаевтың да қатысы бар делініпті. Құпия хаттың хикаясын тілшіміз Құралай Пионер тарқатып айтсын.
