Ауыл шаруашылығы министрлігі ғылымға бөлінген 8,5 млрд теңге ақшаны бермей отыр. Ведомство уақытылы конкурс та өткізбеген. Соның кесірінен еліміздегі 3 мың ғылыми қызметкер келер жылдың мамыр айына дейін жалақысыз қалуы мүмкін. Бұл жайында сенатор Ақылбек Күрішбаев айтты. Сала мамандары министрге бірнеше мәрте хат жазған. Бірақ, ешқандай жауап жоқ. Әріптесім Арай Сүгірбайдың өзі министрлікке барып, неге бюджет ақшасының мақсатты жұмсалмай отырғанын біліп қайтты.
