Ақмола облысында 6 елдімекенді су басуы мүмкін. Қардың қалындығына байланысты Қарағанды, Қостанай, Павлодар, Шығыс және Солтүстік Қазақстан облыстарында да қазірдің өзінде қауіпті аймақтар анықталып отыр. Апаттың алдын алу үшін Экология, геология және табиғи ресурстар министрлігі жанынан арнайы штаб құрылды. Бүгін вице-министр Сергей Громов бастаған мамандар елорда маңындағы су қоймалары мен бөгеттердің жағдайын бақылап қайтты.
