ҚАЙЫРБЕК АРЫСТАНБЕКОВ: 1 ДОЛЛАР 420 ТЕҢГЕГЕ ТЕҢ БОЛСА, ҰЛТТЫҚ БАНК ВАЛЮТАЛЫҚ ИНТЕРВЕНЦИЯ ЖАСАУЫ ЫҚТИМАЛ Егер доллар 420 теңгеге дейін қымбаттаса, Ұлттық банк валюталық интервенция жасауы әбден мүмкін. Бұл Экономикалық саясат институтының директорының болжамы. Қайырбек Арыстанбековтың пайымынша, бұл шешім әрине Ұлттық қор есебінен жүзеге асырылуы ықтимал. Ұлттық банк, осыған дейін «еркін айырбас бағам саясаты жүргізіліп отыр» деп мәлімдеп келді. Шын мәніне келсек, статистика көрсеткендей, регулятор қиын ауытқу болған кезде валюталық интервенция жасағаны байқалып тұр – дейді сарапшы. Айтуынша, соңғы рет 85 млн АҚШ доллары интервенцияға жұмсалған. Ал жалпы дәліз 380-410 теңгенің ортасында сақталады.
