Карантин күшейтілсе де Алакөлдегі демалыс орындары әдеттегі дағды бойынша жұмыс істейді. Екі апталық локдаунда көлдің қос жағалауы да келушілерді қарсы алуға дайын. Тіпті жағалауда маскасыз жүруге де рұқсат берілмек. Сондай-ақ, Алматы облысында ешқандай тексеру талап етілмесе, Шығыс-Қазақстандағы жағажайға өту үшін ПТР тест қорытындысы сұралады. Бір отбасы немесе бір топқа бір тест нәтижесі жарай береді. Айта кетейін, айдынды Алакөлдің суы көптеген дертке дауа болғандықтан, азаматтардың көбі негізінен онда емделуге барады.
