Қызметіне кіріспей жатып, басы бәлеге қалды. Алматы облысының бас санитарлық дәрігері болып кеше ғана тағайындалған Ерғали Сыдымановқа қатысты тәртіптік іс қозалды. Мемлекеттік қызмет істері агенттігі оның тұрғындармен кездескен видеосын мұқият қарап, лауазымды тұлғаның әрекетін әдеп кодексіне сәйкес келмейді деп бағалады. Енді бұл мәселе тиісті шара қолдану үшін Әдеп жөніндегі кеңесте қаралады. Бұған қоса Денсаулық сақтау министрлігі де қазір қызметтік тексеру жүргізуде.
