Ал Алматы облысының тұрғындары жүріп-тұруға рұқсаттама алу үшін әуре-сарсаңға түсті. Осыған байланысты Талдықорған қаласы әкімдігінің алдында ұзын-сонар кезек пайда болды. Себебі, ертеңнен бастап Алматы облысында карантин жарияланады. Бұл тұрғындар облыс орталығының адамдары. Бірақ жақын маңдағы аудандарда жұмыс істейді. Ертең олар қаладан шықса, қайта кіре алмай қалулары мүмкін. Сондықтан қалаға кіру үшін арнайы рұқсат қағаздарын алуда.
