Алматыда Бек эйр ұшағының апатынын зардап шеккендерге 23 млн теңге өтемақы төленді. Бұл туралы қаладағы Әлеуметтік әл-ауқат басқармасының өкілдері мәлімдеді. Айтуларынша, өтемақы қалалық Төтенше жағдайлар департаментінің тізімінде тұрған 23 адамға аударылған. Әр қайсысына 1 млн теңге қала бюджетінен төленді. Айта кетейік, былтыр 27 желтоқсанда апатқа ұшыраған Бек эйр ұшағының бортында болғандардың 23-і Алматы тұрғыны. Мемлекет басшысы барлық жапа шеккендерге өтемақы төлеуді тапсырған болатын. Айтпақшы, жуырда қайтыс болған Бек Эйр ұшқышының отбасына да өтемақы беру мәселесі қарастылып жатыр.
