Студенттер шағымынан кейін, Білім министрлігі «Астана» университетінде тексеріс жүргізе бастады. Себебі, оқуын бітірген студенттер дипломын әлі күнге дейін ала алмай жүр. Ал биыл білім алуға келгендер «не ұстаздарымыз жоқ, оқудың қашан басталатыны туралы хабар берілмеді» деп шағымданады. Бүгін оқу орнындағы мән-жайды анықтауға барған ведомство өкілдерімен біздің тілшіміз Арай Сүгірбай да болып қайтты.
