Биыл мектеп түлектеріне бакалавриатқа түсу үшін мемлекет тарапынан 54 мың грант бөлінді. Магистратураға 13 мың 300, доктарантураға 2 мың 355 грант қарастырылған. Оларды тағайындау жүйесі биылғы жылдан бастап өзгерген. Сонымен қатар, ауыл жастары үшін арнайы квоталар қарастырылған. Бұған қоса енді мектеп түлектері ҰБТ-дан кейін жоғарғы оқу орынына құжат тапсырғанда тек бір ғана мамандықты емес, өз қалауы бойынша 4 түрлі оқу бағдарламалар тобын таңдай алады. Ол таңдау тестілеуде тапсырылған 2 бейінді пәнге тәуелді болмайды.