Қазақстанда коронавируспен күресуге жұмылдырылған дәрігерлерге төленуі тиіс үстемақы кір жуушыларға, сантехниктар мен картоп тазалаушыларға тағайындалған. Мақсатсыз жұмсалған қаражаттың жалпы көлемі 560 млн теңге. Ақша бөлудегі былықты Әлеуметтік медициналық сақтандыру қоры анықтады. Ал бұл уақытта қауіпті дертті жұқтырған науқастармен күн сайын байланысқа түсетін медициналық қызметкерлер қаржылау қолдауға қол жеткізе алмай жүргендерін айтып зар қағуда. Мәселенің анық-қанығын Алмас Амангелді айтып береді. Алмас сөз кезегі өзінде.