Масаншыдағы қақтығыс аймақтағы байырдан шырмалған былықтың бетін ашып берді. Соның кесірінен осындай жағдайға ұласты. Мәжіліс депутаты әрі Үкіметтік комиссия мүшесі Бақытбек Смағұлов осылай деп айтқан пікірі кешеден бері әлеуемттік желіде қызу талқыланып жатыр. Тіпті халық қалаулысы дүнген жастары арасында әскерді қойып мектепке де бармайтындары барын айтыпты. Білімді сондағы мешіттегілер беріп келген. Ал сол ауылдық имамды Қазақстан мұсылмандарының діни басқармасы сайламайды екен. Мән-жайды депутаттың өзінен сұрадық. Ол айтқан бірде бір сөзін жоққа шығармады. Пайымдауынша, бір елде тұрған халықтың мүддесі де, құқығы да бір болуы керек. Бірақ бұл жағдай биліктің кемшілігін анық көрсетті дейді.
