Дулат Ағаділдің денесіндегі жарақаттар- мәйітте болатын белгі. Прокуратура өкілдері марқұмның үсіндегі дақтарды осылай түсіндірді. Еске салсақ, әлеуметтік желіде тараған жерлеу алдындағы видеода Дулат Ағаділге күш көрсетілгені айтылған. Алайда, мамандар бұны жоққа шығарып отыр. Тіпті тергеуге арнайы сарапшылар тартылып, олардың барлық іс-әрекеті фото-видеоға түсірілгенін жеткізді. Қазір жүргізілген сот сараптамалық зерттеуінің нәтижесін күтуде. Сондықтан, ресми қортынды шыққанша ел тұрғындарына жалған ақпарат таратпауды сұрауда.
