Виски, ет және теледидар. Қостанайда жазасын өтеп жатқан бұрынғы шенеунікке осылайша жанға жайлы жағдай жасалаған. Темір торға тоғытылса да тарықпай отқан сотталғандардың әрекеті әлеуметтік желіде жария болды. Жасырын түсірілген бейнежазба авторы дастархан басындағылар 161/2 колониясында отырғанын айтады. Тіпті «элиталы жазасын өтеушілер» үшін терезеге перде де ілініп қойған. Белгілі болғандай мұнда Батыс Қазақстан облыстық спорт басқармасының бұрынғы басшысы Мүслім Оңдағанов жазасын өтеуде. Экс-шенеунік қазынаның 200 млн. теңгесін қалтасына басқаны үшін 12 жылға сотталған болатын. Бейнежазба авторы түзеу мекемесіндегі былық мұнымен бітпейтінін айтады. Сөзінше, қылмыстық ортада абыройы бар сотталушылар үшін мұнда «арнайы жеңілдіктер» қарастырылған. Олардың тәртіп бұзған әрекеттеріне көп жағдайда көз жұмылатын көрінеді. Жергілікті қылмыстық атқару жүйесі департаментіндегілер мұндай факті болғанын растады. Қазіргі уақытта аталған дерек бойынша қылмыстық іс қоғалып, сотқа дейінгі тергеу басталған.
