Бас қаланың сақтандыру қорында тек ұн мен қант қалды. Қалған әлеуметтік маңызы бар тауардың барлығы сатылып кеткен. Арнамызға эксклюзивті сұқбат берген «Астана» корпорациясы әлеуметтік-кәсіпкерлік департаментінің басшысы Ризагүл Муслимова, жыл басынан бері қоймаларда 7мың тонна азық-түліктің болғанын айтады. Ал қазір болса 4 мың тонна ұн мен 1200 тонна қант бар. Маман қалған өнім жыл соңына дейін жетеді деп сендірді. Бұдан бөлек, корпорация кәсіпкерлерге жеңілдетілген несие беру арқылы әлеуметтік маңызы бар азық-түлік бағасын реттеуде. Несиелеу жергілікті бюджеттен 0,01 %-бен беріліп жатыр. Қаладағы екі ірі кәсіпорын қарыз алып үлгеріпті. Ол Мир круп 245 млн теңге көлемінде және Айқын сапа 208 млн теңге.
