Иран үш жылдан кейін Еуразиялық экономикалық одақтың толыққанды мүшесі болуы мүмкін. Бұл жайында Ислам Республикасының энергетика министрі Реза Ардаканян мәлімдеді. Айтуынша, өткен жылы мамырда «еркін сауда аймағына» қатысты уақытша жасалған келісім, осы айдың аяғында күшіне енбек. Мәмілеге сәйкес атаулы 840 тауарға тарифтік жеңілдіктер қарастырылған. Тіпті, Иран 70 затын экспортқа ешқандай төлемсіз шығара алады. Одақ елдеріне тауарлар Армения, Ресей және Қазақстан шекарасы арқылы жеткізіледі.
