Үкіметтің алдына түнесең де кезектен тыс үй ала алмайсың. Бірнеше айдан бері министрліктер үйін жағалап жүрген аналарға қатысты Индустрия және инфрақұрылымдық даму министрінің бірінші орынбасары Қайырбек Өскенбаев бүгін осылай деді. Ал Тұрғын-үй құрылыс жинақ банкінің төрайымы баспаналы болу үшін несие алуға табысы жетпегендер басқа жұмыс іздеуден басқа амалы жоқ екенін айтты. Қоғамның маздаған жарасына айналған мәселені Жалғас Зейнолладан білесіздер.
