Осы айдан бастап бірқатар жәрдемақылар, шәкіртақы,зейнетақы мен жалақы көлемі өзгерді. Басымдық әрине, жылдағыдай мемлекеттік қызметкерлерге берілген. Бұған дейін еңбек және халықты әлеуметтік қорғау министрлігіндегілер хабарлағандай, қаңтардың бірінен бастап мұғалімдер жалақыны 25%, мәдениет саласының қызметкерлері 35-50%, әлеуметтік саладағылар 30-60%-ға көбірек алады. Сондай-ақ, биылдан бастап мұғалімдердің деңгейіне қарай сараланған төлем енгізіледі.
