Еліміздің Сыртқы істер министрлігі Қытай елшісі Чжан Сяоны шұғыл шақыртып алып, наразылық білдірді. Оған түрткі болған қытайлық «Соху нүкте ком» сайтында жарияланған мақала. Онда: «Қазақстан не үшін Қытайға қайта қосылғысы келеді» деген тақырыппен жарияланған материалда Қазақ жері Цин империасының боданы болып, артынан Ресейге өтіп кеткен, - деп жазылған. Бұдан бөлек, Орта Азиядағы көшпенді жұрттың тарихы бұрмаланып көрсетілген. Осыған байланысты біздің Бейжіңдегі елшілігіміздің де Қытайдың Сыртқы істер министрлігіне тиісті нота жолдағаны белгілі болды.
