Сөйтіп кредит алу жағынан ешкімге жол бермей келеміз. Бұл жерде Қытайға қарызымыз туралы да айтпасқа болмайды. Біздің Инбизнес ақпараттық порталы жүргізген сараптамалық-зерттеу мақаласында осы мәселені барынша ашып көрсеткен. Билік басындағылар «Қазақстанның Қытай алдындағы мемлекеттік қарызы жоқ» дейді. Тек кепілдікпен алынған 1 млрд 200 млн доллар, теңге емес доллар, берешегіміз бар екен. Алайда бұл ақпарат аталған соммадан 3,5 есе көп болуы ықтимал. Яғни қарыз көлемі – 4 млрд 300 млн доллардан асады. Бұл – Қытай алдындағы жалпы қарыздың 40%-ына тең ақша. Қарыз тағы да арта түсуі мүмкін. Себебі біздің ел кедендік инфрақұрылымды дамытуға тағы да 300 млн доллар алмақ.
