Елімізде карантин шаралары жеңілдеп, демалыс күндері кей нысандардың жұмысына рұқсат берілді. Ведомствоаралық комиссияның шешіміне сәйкес, енді сұлулық салондары, шаштараздар мен косметикалық қызмет көрсететін объектілері сенбі мен жексенбіде жабылмайды. Сондай-ақ, фитнес-орталықтары, спорттық-сауықтыру орталықтары, тренажер залдары, спорттық кешендер мен СПА-салондар, сауналар мен бассейндер де аталған күндері ашық болады. Бұған қоса діни нысандардың жұмысына қойылған шектеу алынды.