Бұл уақытта қазақстандық ғалымдар Ковид 19-ды анықтайтын отандық тестті ойлап тапты. Аталған диагностикалық жүйені екі орталықтың мамандары бірлесіп жасаған. Масғұт Айқымбаев атындағы Аса қауіпті инфекциялар ғылыми орталығы мен Ұлттық биотехнология орталығы ғалымдарының бұл жетістігін Президент Қасым-Жомарт Тоқаев жоғары бағалады. Мемлекет басшысы халықаралық стандарттарға сәйкес келетін тест жүйесі мыңдаған азаматтың өмірін сақтап қалуға көмектеседі деп сенім білдірді.