Көлік салығына өзгерістер енгізілуі мүмкін. Қазірде құжатты Ұлттық экономика министрлігінің жұмыс тобы қолға алған. Нақты қандай өзгерістер қарастырылған деген сұрақ мазалап отырған болар? Ашып айтайын. Егер құжат қолдау тапса еліміздегі 3 млн 500 мың автомобиль салықтан босатылуы мүмкін. Бұл қозғалтқышы 3 мың текше метрден аз көліктер. Өздеріңіз байқаған боларсыздар, елімізде қозғалтқышы 4 мың текше мертден асатын көліктер әлдеқайда аз 73 мың 300 ғана. Осы орайда «Ұлттық экономика министрлігі нендей мақсат көздеп отыр ?» деген заңды сауал туындайды. Солай емес пе ? Менің ойымша, бұл жердегі басты мәселе – көлік салығынан жалтаратындардың азаймай тұрғаны. Биыл еліміз бойынша автомобиль салығынан қазынаға түскен қаржы қанша екен ? Оны мемлекеттік кірістер комитетінің маманынан білейін.
Студиямызда Мемлекеттік кірістер комитетінің Жұртшылықпен байланыс басқармасының басшысы Олжас Отар.
Біздің естуімізше, айыппұл тұрағына апарылған борышы бар көліктерді салықтық қарызын төлемей-ақ алып кететіндер болады екен. Бұл қаншалықты мүмкін? Дәл қазір Скайп арқылы байланысқа шыққан сот орындаушы Асылбек Құсайыновтан білеміз.