Қос азаматтығы барлар мемлекеттік қызметте де болуы мүмкін. Ұлттық қауіпсіздікке қайшы келер - бұл қауіпті Әлихан Байменов айтты. Ал оны бізде тексеріп жатқан ешкім жоқ. Бірден анықтау да мүмкін емес. Өйткені Қазақстанның бұл бағытта өзге елдермен байланысы бір жолға қойылмаған. Басқасы былай тұрсын, Еуразиялық экономикалық одаққа мүше жақын көршілерімен де дереу ақпарат алмасатындай жүйе жоқ. Тек сұрау салып, оның жауабын күтіп, мәселенің ақ-қарасын араға уақыт салып бірақ анықтайды. Ал қос азаматтық кімге тиімді және оның жазасы қандай? Тілшіміз Гүлжайна Өмірбек зерттеп көрді.
