Күріштің қауызы пайдаға жаратыла бастады. Әдетте қоқыстың қатарынан табылған қалдықтар енді қаржы көзіне айналмақ. Ысырапшылдыққа жол бермеуді көздеген Сыр өңірінің шаруалары дәнді-дақылдың сыртқы қабатын кәдеге жаратудың жаңа технологиясын енгізіп отыр. Яғни, күріш қауызы биотыңайтқышқа дайындау процесінде таптырмайтын шикізаттың бірі болмақ. Бірақ мұны күріш өндірісімен айналысатындардың дені білмейтін сыңайлы. Себебі қожалықтар дақылдың қалдығын әлі де далаға әкеп төгіп жатыр. Тақырыпты Қызылордадағы меншікті тілшіміз Алтынай Бек сабақтайды.
