Люксембургтің аппеляциялық соты Стати ісіне байланысты Қазақстанға қарсы шешім шығарды. 19 желтоқсан күнгі үкім бойынша еліміз Ascom Group компаниясына 540 млн доллар көлемінде қаражат төлеуі тиіс. Ал елімізге қарсы тарап болса, яғни ағайынды Статилер арбитраждық соттың шешімін орындату үшін түрлі заң ұйымдарына арыздануда. Еске сала кетсем, «Қазақстан Үкіметі алдады» деген Атантол Стати 2003 жылдан бері түрлі халықаралық арбитраждық соттарға арыз түсіріп келеді. Олар материалдық шығын ретінде 4 млрд долларға өтемақы талап етуде.
