Туристер қызғылт көлдің экологиялық ахуалын бір айда нашарлатып жіберді. Сондықтан енді «Көбейтұз» мемлекеттің ерекше қорғауына алынады. Мұны Экология министрі Мағзұм Мырзағалиев арнайы брифинг барысында мәлімдеді. Сондай-ақ, «көл 49 жылға жалға беріледі екен» деген ақпарды да жоққа шығарылды. Бұған дейін аймақты сақтау үшін шлагбаум қойылсын деген де ұсыныстар жасалды. Нұр-Сұлтаннан 179 шақырым қашықтықтағы Көбейтұз биыл ерекше қызғылт түске боялғандықтан жұрт қызықтайтын орынға айналған. Бірақ демалушылар суретке түсіп қана қоймай, көлден лайымен қоса тұзын да шелектеп әкетіп жатты. Кейін құтысын 5 мың теңгеге саудалағандар табылды. Ал жағасы қоқыс алаңынан айналған.