Нұр-Сұлтан халықаралық әуежайында болған атыстың мән-жайы анықталды. Оқиға туралы көліктегі полиция департаменті түсініктеме берді. Олардың ақпаратына сәйкес, үшінші желтоқсан күні өткен оқу-жаттығу барысында, күзет бөлімшесінің қызметкері қаруды ұқыпсыз қолданған. Салдарынан, тапанша абайсызда атылып кетіп, 3 адам жарақат алған. Зардап шеккендердің біреуі ауруханаға жатудан бас тартса, екеуі орташа деңгейлі жарақатпен емдеу мекемесіне жеткізілген.
