«Нұр жолы» бекетінің бірқатар қызметкері қамауға алынды. Көліктік прокуратураның хабарлауынша, жүк тиелген көліктерді бекеттен кедергісіз өткізіп тұру үшін, ветеринарлық және фитосанитарлық бақылау мамандары және кеденде қызмет атқарған мемлекеттік кірістер комитетінің өкілдері жүйелі түрде пара алып келген. Қазіргі уақытта ұсталған 8 адам бойынша тергеу жұмыстары басталып, іс бас көліктік прокуратураның бақылауына алынған.