Түркістан облысында диқандар дайын болған көкөніс өнімдерін сыртқа саудалай алмай әлекке түсуде. Жетісай ауданында жиналған бір топ шаруа Үкіметтің жүк көліктеріне тосқауыл жоқ дегенімен, күрмеулі тұстары жетіп артылады деп отыр. Төтенше жағдай салдарынан онсыз да шығынға батқан диқандар жағдай бұлай жалғаса берсе, жағдайымыз тығырыққа тіреледі деп алаңдаулы. Ауыл тұрғындарының жанайқайын тілшіміз Айнұр Ақбаева тарқатады.
