Түркістан облысының шаруалары апта басында ауыл шаруашылығы өнімдерінің пісіп кеткеткенін айтып, биліктен оларды сыртқа сатуға көмек сұраған болатын. Әлеуметтік желіде көмек сұрағандар бірқатар шектеуге байланысты шығынға батып жатырмыз деп шырылдаған. Осыны ескерген өңірдің сала басшылары бүгіннен бастап кез-келген диқан экспортқа өнімдерін саудалай алатынын хабарлады. Карантин енгізілуіне байланысты шетке тауар шығармау туралы министрліктің шектеуі алынып тасталғанын жеткізді. Мәселенің мән жайын өңірлік тілшіміз Айнұр Ақбаева тарқатады.
