Оралда әкімдіктің рұқсатымен бейбіт митинг өтті. Санкцияланған шеруге қатысушылар сыбайлас жемқорлыққа, азық-түлік бағасының және коммуналдық қызмет тарифтерінің өсуіне қарсы шықты. Алаңға жалпы саны 40 адам жиналды. Олар бірінші кезекте азық-түлік бағасын ұстап тұру, қала аумағын абаттандыру мәселелерін көтерді. Алаңға жиналғандар "Орал-Атырау трассасы тегін әрі қауіпсіз болуы тиіс!","Шындықты айтқандар емес, нағыз қылмыскерлер қамалсын!"-деген плакаттармен шықты. Сонымен қатар митингке қанша айдан бері мәселесі шешілмей жүрген, №2-ші мектептің оқушыларының ата-аналары да қатысты. Олардың айтуынша, "Венера" және "Речник" саяжай кооперативтерінде тұратын балаларға мектепке жету қиын. Ал екінші ауысымдағы сабақтар болса, кешкі сегізде бірақ аяқталтын көрінеді.
