Пандемияның кесірінен бизнес секторда 1 млн кәсіпкер зардап шегіп, тағы 430 мыңы мүлдем банкрот деп танылды. 1,6 млн адам ақысыз демалысқа жіберілсе, 4,6 млн азамат мемлекеттен жәрдем ретінде тағайындалған 42 500 теңгені алуға мәжбүр болған. Бүгін Тимур Құлыбаевтың төрағалығымен өткен «Атамекен» ұлттық кәсіпкерлер палатасының 7-ші съезінде осындай қорытынды есеп жасалды. Онлайн форматтағы жиынға тікелей байланыс арқылы Президент Қасым-Жомарт Тоқаев пен Премьер-министр Асқар Мамин де қатысты.
