Павлодарлық дәрігерлер жалақысын ала алмай жүр. Қаржының жетіспеушілігінен ақ халаттылардың ақысы ғана емес, дәрі-дәрмек тапшылығы да байқалған. Аймақтың медицина саласына жалпы құны 2 млрд теңге қажет екен. Өңірге жұмыс сапарымен келген вице-премьер Бердібек Сапарбаев мәселені жыл соңына дейін шешуді тапсырды. Еңбекақы мен ем-дом сапасының сын көтермеуі жалғыз проблема емес. Сонымен қатар, облыста сәбилердің шетінеуі 30 пайызға артқан. Өңірдің 49 мың тұрғыны міндетті медициналық сақтандыруға әлі тіркелмеген.
