Қазақстанда коронавирусты пандемияға байланысты қоғамдық іс-шаралар уақытша тоқтатылады. Бұл туралы мемлекет басшысы Қасым-Жомарт Тоқаев Twitter-дегі парақшасында хабарлады. Президент азаматтар азық-түлікпен және ең қажетті тауарлармен үздіксіз қамтылатынын айтты. «Шағын және орта бизнес зардап шекпеуі тиіс. Ең бастысы – азаматтарымыздың денсаулығы. Біз қиыншылықтарды бірге еңсереміз», - деп жазды президент. Дәл осы уақытта үкімет мүшелері қабылданған шаралар жөнінде баяндауда. Орталық коммуникациялар орталығының алаңынан әріптесім Гүлжайна Өмірбек байланысқа шығып тұр. Гүлжайна сонымен, нақты қандай шаралар қабылданды?