Мемлекеттік рәміздерге қатысты қағидатты қайта қарау қажет. Қасым-Жомарт Тоқаев бүгін твиттердегі парақшасында осылай деп жазды. Постта Президент қолданыстағы заңда, әсіресе, туды пайдалануда шектеулердің барын жазған. Мысалы, балконда немесе үй қабырғасына оны ілуге тиымның барын атап өткен. Сондықтан мемлекет басшысы бірқатар депутат пен азаматтардың ұсынысын қолдап, мемлекеттік рәміздерді кеңінен қолдануға рұқсат берілу қажет деген пікірде екенін жеткізді.
