Өткен айда пойыз бен автобус соқтығысып, бір адам көз жұмғаннан кейін Шамалғандағы жол құрылысы ерекше қадағалаумен салынбақ. Нақтыласақ, «Орталық – Оңтүстік» дәлізіндегі «Астана – Қарағанды – Балқаш – Күрті – Қапшағай» күре жолының шойын жолмен түйісетін нүктесін «Қатаң бақылаудағы құрылыс» режиміміне енгізу көзделген. Өтпежолдың жұмыстары алдағы жылдың сәуір айында, ал жалпы құрылыс келер жылдың соңында аяқталмақ. Еске салсам, қыркүйектің 15-де аталған аймақта пойыз бен жолаушылар көлігі соғылып, автобус жүргізушісі қаза болған. Артынша аталған жерде ұзынсонар кептелістің жиі болып, жүргізушілер бағдаршамға бағынбай өте беретіні айтылған.
