Ағылшындық құқық тәжірибесін қазақстандық сот жүйесіне енгізу қажет. Мұндай бастаманы Астана қаржы орталығында өткен жиында Атамекен палатасының төралқа төрағасы Тимур Құлыбаев көтерді. Ал орталық басшысы Қайрат Келімбетовтың сөзінше 2018 жылдан бері Қазақстан, Ресей, Ұлыбритания, Әзірбайжан және Польшадағы кәсіпкерлер арасындағы келісім мен мүлікке қатысты 200-ден астам даулы мәселе қаралған. Оның басым көпшілігі бейбіт жолмен шешілген.
