Доллар құлдырап, теңге бағамы нығая бастады. Бүгінгі айырбас саудасында ұлттық валютаның АҚШ ақшасына шаққандағы құны 420 теңгеге теңесті. Бұл өткен күнмен салыстырғанда 2 теңге 42 тиынға арзан. Өзгеріске, әрине, мұнай бағасының өсуі бірден бір себеп. Сонымен, қазір Елордадағы айырбас бөлімдерінде доллардың сатылу құны 421 теңге 94 тиын болса, сатып алуы 420 теңге 70 тиын. Ал алматылықтар долларды 420 теңге 66 тиынмен сатып алып жатыр. Сату 422 теңге.
OPEC+ КЕЛІСІМ ҚАБЫЛДАҒАН СОҢ, МҰНАЙДЫҢ БАРРЕЛІ 50 ДОЛЛАРҒА ЖУЫҚТАДЫ
Келесі жылдан бастап, ОПЕК+ елдері өндіріс көлемін тәулігіне 500 мың баррельге дейін көбейтеді. Нәтижесінде 2 тоқсанға дейін бұл көрсеткіш 2 млн баррельге жетуі тиіс. Бірнеше күн бойы онлайн отырысқа қатысқан министрлер осындай шешім қабылдады. Қазақстан үшін қаңтар айындағы шектеу деңгейі – тәулігіне 1,4 млн баррель. Энергетика министрі Нұрлан Ноғаевтың айтуынша, бұл келісім әлемдік мұнай нарығын тұрақтандырады. Сұраныс пен ұсыныс тепе-теңдігі сақталады. Толығырақ Блумберг сараптамасында.
